Arsenal chief executive-in AC Milan a thlang

Ivan Gazidis chuan Arsenal chief executive hna kalsanin AC Milan a zawm a, October 31 aṭangin a hna a ṭan ang. Kum 53 mi Gazidis hi May thlaa Arsene Wenger thlak nana Unai Emery lakluh kawngah a ṭangkai hle.

Kum 2008 khan Gazidis hian Premier League club hi a zawm a, Arsenal a chhuahsan chungchang sawiin, "London club chhuahsan hi thutlukna ka siam tawha la harsa ber a ni. Arsenal anga club lian pawh hian inthlak danglam hi an pumpelh thei bik lo ni ringawt loin an mamawh a ni," a ti.

Arsenal chuan Raul Sanllehi leh Vinai Venkatesham ten club enkawl hna an chhunzawm tur thu an puang nghal. Raul hian head of football relations aṭangin head of football hna a chelh ang a, Vinai hian chief commercial officer aṭangin managing director hna a thawk bawk ang.