Mizo power lifter-te Lucknow-ah

Sub-Junior, Junior, Senior leh Master inelna Unequipped Classic Powerlifting Championship chu September 26-30 chhung hian Lucknow, Uttar Pradesh-ah khelh a ni dawn. Inelna hma­chhawn tur hian Mizoram Power­lifting Asso­ciation (MPA) tirhin player pakua an inlan dawn.

Mizo player-te hi coach Ngur­than­zauva Sailo (Thing­sulthliah) leh national referee leh manager ni bawk Theophil Lallawmzuala (Khatla South) ten an hruai dawn a ni.

Mizoram aiawh tur lifter-te hian coach leh manager kaihhruaina hnuaiah Aizawl Republic Veng a Powerlifting Hall-ah training an bei ngawrh hle a, deadlift, squat leh bench press-ah te record thar siam tumin nasa takin an bei.

Lunglei tlangval - Mizoram pa chak ber thlannaa pakhatna ni tawh P. Lalchamliana hian inelna khelh zawh hian, India team a zawm nghal dawn. October thla tira World Championships, Mongolia a nghah turah India aiawhin a tel dawn a ni.

Tun hnaiah Mizo power lifter ten hma an sawn hle a, junior leh masters-ah kumtir khan Tamil Nadu-ah gold pakhat leh silver pahnih an zu la tawh a, NE Championship-ah khan gold 7, silver 2 leh bronze 2 an la tawh bawk. Heng bakah hian National Master Equipped Powerlifting Championship, Kerala-ah khan gold pakhat an zu la bawk a ni.

Mizoram Team
# Player Khua/Veng
1 Malsawmkima College Veng
2 Lalhmangaihzuala Saron Veng
3 Lalthangmawia Bungkawn
4 Ramfanmawia Kulikawn
5 Joseph Lalnunmawia Ramthar Veng
6 Abraham Lalṭhakima Tlangnuam
7 Jonathan Lalbiakhlua Kulikawn
8 Lalmuanpuia Tochhawng Ramthar
9 P. Lalchamliana Lunglei Venglai