Match 10 chak zawn thei Suns

NBA regular season kal laia team hmuhnawm tak Phoenix Suns an kal fawr zel. Suns hian nimin zing khan San Antonio Spurs chu 115-110 in an hneh a, tun hnaiah a zawnin match 10 zet hnehna an chang ta.

Suns tan nidang ang bawkin Devin Booker a hmuhnawm, quarter thumna an khelh laiin point 12 zetin hniam mah se a tawpah erawh team huai zawk an nih avangin an chak. Point 28 neitu Booker leh Mikal Bridges (26 points) ten an thawh hlawk hle.

Western Conference-ah Suns hian hma an hruai chhnzawm, match 40 zet chak tawhin NBA team zinga chak hnem ber an ni a, vawi kua an tlawm tawh thung - Nilaini zingah team ṭha Brooklyn Nets nen an inhmachhawn leh ang.

Inkhel dangah NBA champion Milwaukee Bucks chu Denver Nuggets lakah 136-100 in an chak lo. Nuggets tan hian NBA Most Valuable Player ni lai Nikola Jokic-a'n point 18 a nei a, rebound vawi kua a lak bakah assist vawi 15 zet a nei bawk.

NBA - NImin Results
Dallas Mavericks 108 - 110 Orlando Magic
Denver Nuggets 136 - 100 Milwaukee Bucks
Utah Jazz 106 - 126 Minnesota Timberwolves
San Antonio Spurs 110 - 115 Phoenix Suns