A thiam pali a hriat

AFC Women's Asian Cup 2022 khelh laiah semifinal khel tur ram pali a hriat ta. China, Japan, South Korea leh Philippines te chuan an khingpui ṭheuh hnehin quarterfinal an paltlang.

Pathianni zan khan quarterfinal khelh niin, team ṭha Japan chuan Thailand 7-0 ngawtin an sawp. Inkhel dangah China-in Vietnam 3-1 in an hneh a, Australia laka si khat faia chak South Korea an tlang bakah, Philippines chuan Chinese taipei chu penalty shootout-ah 4-3 a hnehin an chak bawk.

Philippines tan Asian Cup semifinal an thlen vawi khatna a ni a, chanchin lawmawm dang an nei - a vawi khatna atan World Cup an khel phak dawn bawk; Korea hneha final an lut zui a nih chuan an lawm a zual ngei ang.

Inelna hi India-in a thleng a, Pune khawpuia awm Shivchatrapati Sports Complex leh D Y Patil Sports Stadium, Mumbai-ah te khelh a ni. A thlengtu India hi an player zingah Covid-19 positive an tam avangin an lo inhnukdawk tawh.

Asian Cup-a semifinal lut team pali te hi 2023 World Cup atan an thling nghal vek, inelna lian hi Australia leh New Zeland ten an inthlen ṭawm dawn a ni.