UFC fighter Norifumi Yamamoto a thi

Japanese mixed martial arts legend Norifumi "Kid" Ya­ma­moto chu kum 41 mi niin a thi. Ya­mamoto hian August khan can­cer natna a vei thu vantlang hriat­­ah a lo puang tawh a, a hneh zo ta lo.

Bantamweight lama inlan ṭhin fighter hian UFC a luhchilh hma­in kickboxing leh shooto-ah te a hming a lo chher tawh a, 2011 khan UFC luhchilh ṭanin hun tam erawh a hmang hman lo.

March 2001 khan mixed martial arts professional zinkawng zawh ṭanin vawi 18 hnehna a chang a, vawi ruk a tlawm thung.

UFC-a a match hmasa ber chu February 2011 khan khelin Demetrious Johnson a hmachhawn a, a tlawm zawkah ṭangin UFC fight dang vawi thum bak a hmachhawn hman lo.