Pro Fight tel tum an tam

Zothan Autoworks LPS Pro Fight-ah boxer an tel tam dawn, nimin thleng khan boxer 200 chuangin tel tumin an hming an pe lut tawh. Pro Fight hmasa khan boxer 289 an inlan a, a khum ngei dawn niin a lang.

September 4 aṭang khan LPS Office, Zarkawt-ah form hi pekchhuah ṭan a ni a, a la lak chhunzawm theih zel. Inelna tak hi October 10 aṭangin R. Dengṭhuama Indoor Stadium-ah neih tur niin, October 4 hian Hawla Indoor Stadium-ah inbukna neih tur a ni.

Kum dang aiin kumin Pro Fight hian boruak a nei sang tura ngaih a ni, state dang - Assam, Meghalaya leh Manipur te chu weight tinah boxer ṭha pakhat ṭheuh tel thei tura sawm an ni a, anni hian tihhlawhtlin vek an tum thu an sawi tawh.