AIFF-in Churchill Brothers a hrethiam

India rama football thuneitu sang ber All India Football Federation chuan Churchill Brothers chu season thara I League khel leh turin an pawm a, Goan club CEO Valanka Alemao chuan AIFF hnen aṭanga hriattirna an hmuh tawh thu a sawi.

Season hmasa I League-ah khan team 10 inel zingah Churchill Brothers hi pakuana an ni a, an hnuaiah Indian Arrows chiah an awm. Mahse, Indian Arrows hi AIFF developmental club an nih avangin relegate thei lo chiang sa an ni a, hei vang hian Churchill chu second division lama tla hniam tur an ni.

Mahse, Goan club hian AIFF hnenah dilna thehlutin I League khelh zel an dil a, Indian FA hian Aizawl FC pawh a lo hriathhiam tawh angin a pawmsak ta a ni. Mizo club champion kuma relegate Mumbai FC erawh ngaihdam an ni ve lo thung.

He thu buatsaih a nih thleng hian Indian FA lamin I League-a Churchill inlan an phal tur thuah thuchhuah la siam lo mah se Churchill CEO Valanka chuan, "AIFF chuan I League kan khelh leh theih tur thu min hrilh a ni," tiin a sawi.