McGregor a ṭawng pawr leh ta

October 6-a UFC 229-a Khabib Nurmagomedov nena inhmachhawn tur Conor McGregor a ṭawng pawr leh ta a, "UFC ka hmangaih avangin ka rawn kir leh ta. He naupang hi ngawi renga awmtir ka duh a ni," tiin a sawi.

McGregor hmaa ding tur Khabib Nurmagomedov hi vawi 26 fight a hmachhawn tawha la tlawm miah lo a ni a, April thla khan Booklyn-ah UFC fighter dangte nena a chuanna bus chu McGregor hian a lo bei tawh a, US court-in a hrem phah hial.

Irish fighter chuan, "Nurmagomedov hian midang phen aṭangin min cho ve em em a, engmah a ni lo. An chuanna bus ka beih nia a rawn chhuak lo kha kan pahnihin kan vanneih phah ta a ni. Chuti ni lo se la ani hi nung damin a awm tawh lo ang a, keiin jail bang ka zut ang," a ti!

Floyd Mayweather of MMA tia hminglem inpe Nurmagomedov chuan McGregor chu sum duh vang maia lo kirah puh mah se Irish fighter chuan, "Ka damchhung atan pawisa chu ka ngah tawk tawh a, nangmah tukdawl a, he fight thunun leh tur hian a ni ka lo kir ni," tiin a sawi.

McGregor hian nikum khan boxing-ah Mayweather a hmachhawn a, he fight hian pound maktaduai 450 ngawt a hlawh chhuak!