22 NOT OUT = Anthony Joshua

Anthony Joshua-a'n boxing ring chhungah ngamtu a la tawng lo - kum 28 mi boxer hian nimin khan Alexander Povetkin chu round sarihnaah a tukdawl a, IBF, WBO leh WBA world heavyweight champion a nihna chu a chhawm nung zel.

Joshua-a'n inhnek vawi 22 a hmachhawnah hnehna a la chang vek a, vawi 21 ngawt a khingpui a knockout-na a ni ta bawk. Povetkin erawh knockout a nihna hmasa ber a ni a, vawi 36 inhnek a hmachhawna a vawi hnih tlawmna chiah a ni nghal bawk.

Britis boxer rothap Joshua chuan, "Povetkin hneh tur khan round 12 pawh a ngai mai thei tih ngaihtuah chungin ka inbuatsaih a, hnehna chan ngei ngei erawh ka tum. A tawpah erawh ka knockout leh ta a ni," a ti.

Joshua hian April khan New Zealand boxer Joseph Parker chu round 12 chhung a inhnekpui a, Parker tih loh hi chu knockout hmangin a hneh vek a ni.