Liverpool an chak nuamsa

Kum 28 hnua a vawi khat nan Liverpool chuan inelna hrang hranga an match hmasa pasarihah hnehna an chang ta - Reds hian Inrinni zan khan an mikhual Southampton chu 3-0 in an hneh a, tun season-ah ngam loh an la tawng lo.

Liverpool tan Saints defender Wesley Hoedt chuan an lamah a ti lut a, Joel Matip leh Mohamed Salah ten goal khat ve ve an khung bawk. Salah goal khung hi Xherdan Shaqiri-a crossbar pet per aṭanga lo let a ni a, own goal hi Shaqiri thawhchhuah a ni bawk.

Reds boss Jurgen Klopp chuan, "Inkhelh hma kha chuan thawnthu hlui lamin ka lung min len lo a, mahse tunah zawng a dang ta. Hnehna chan zel kan tum dawn a, mahse kan hmaa inchhawp hi awihawm loh khawpin a harsa dawn a ni," a ti.

Liverpool hian League Cup leh Premier League-ah Chelsea an hmachhawn chhunzawm ang a, Napoli an tlawh hnuah Manchester City an mikhual leh bawk ang.

Virgil van Dijk chu hliam vangin lakchhuah ni mah se Klopp chuan a defender ṭangkai dinhmun hi ngaihtuahawm a nih loh thu a sawi.