Chong Wei a hnar a cancer

Malaysian badminton star Lee Chong Wei chu a hnar a cancer tih hmuhchhuah a ni a, ram tana Olympic silver medal vawi thum vaw chhuak tawhtu hi Taiwan-ah enkawl mek a ni.

Kum 35 mi Chong Wei hian July thla vel aṭang khan insawiselna a nei tawh a, hei vang hian Badminton Association of Malaysia (BAM) chuan World Championship leh Asian Games-ah khan a tel theih loh thu an lo puang tawh.

BAM president Norza Zakaria chuan, "Lee natna hi a tirte a la ni a, tunah hian chawlh a nei mek a, a ṭhiante leh chhungte kiangah hun a hmang," tiin a sawi. World number 1 hlui Lee hi tun dinhmunah palina a ni mek a, Rio Olympic kha Olympic a khelh hnuhnung ber a nih tawh tur thu a sawi.