Osaka ngam loh Pliskova
US Open champion a nih hnua a tournament hmasa ber Pan Pacific Open-ah Naomi Osaka chuan final a lut nghal a, mahse Japanese nula hian Karolina Pliskova a hneh loh avangin pahnihna a ni.
Inrinni zan Tokyo-a final inkhelah Osaka hi darkar khat leh minute thum chhungin 6-4, 6-4 in a chak lo a, a pianna rama hlawhtlinna chan a tumna hmasa chu a thamral. Hnehna changtu Czech Republic nula Pliskova tan erawh tennis a khelh hun chhungin nomawi 11 a chawina chiah a ni thung.
Kum 26 mi Pliskova chuan, "Naomi kha a chau tih a hriat a, chutihrualin a inkhel en kha chuan hmabak a nei eng hlein a hriat," a ti. Kum 20 mi Osaka pawhin tun hnaiah inelna a hmachhawn hnem avangin a taksa a chauh thu a sawi ve bawk.