F1 atan vaccine lak ngei a ngai dawn

Formula 1 chuan season thar atana an kalphung tur pakhat an tarlang a, hripui leng laka invenna vaccine lak ngei a ngai dawn. Driver chauh ni loin team member zawng zawng bakah media lam mi thlengin vaccine an lak vek a ngai dawn.

Hripui lengin kum hnih chhung chu F1 hi a ti buai ve tawh, kum tira ruahman sa ang pawhin intlansiak an nei kim thei ngai lo. Vaccine an la vek a nih chuan an harsatna ṭhenkhat pawh hi a kiang thei tura beisei a ni.

Season hmasa khan Austin-a tlan American Grand Prix tlan tur tan vaccine lak kim ngei a lo ngai tawh. Tun season-ah hian ngaihnathiam theih chin chu an la awm dawn, mahse hri leng kai tawh tih vanga invenna la lo erawh hriatthiam theih zingah an tel dawn lo.

F1 thupuangtu chuan, "F1 thuneitu lam chuan team mi leh sate zawng zawng chu vaccine la vek turin a ngen a, ngaihhnathiamna dil lo turin a beisei bawk," tiin a sawi a, season ṭan hma aṭangin an in tlawhkhalh nasa hle.