Ramsey-a'n Rangers a zawm

Aaron Ramsey chuan Scottish Premiership hmahruaitu Rangers chu loan hmangin a zawm. Juventus midfielder hian tun season tawp thleng Rangers tan a khel dawn, a loan hun zawh huna a awmzel dan tur erawh la ngaihtuah ṭhat tur a ni.

Wales international hian Arsenal tan hlawhtling taka a khelh hnuah Juventus a pan, Old Lady-ah hian hlawh hnem viau mah se khelmual chhungah a hlawhtling tawk lo. Nikum October thla khan Champions League a khelh bak chu a la inkhel leh lo.

Kum 31 mi Ramsey chuan, "Rangers ang club ṭha ka zawm thei hi ka lawm. Tun aṭanga May thla inkarah thil ṭha tam tak beisei tur a awm niah ka ngai. Sawmna hrang hrang chu ka dawng ve, mahse kar tin maia fans 50,000 hma a inkhelh theih hi ka duh," a ti.

Beisei a neih san thu sawiin Rangers manager Giovanni van Bronckhorst chuan, "Aaron te ang player theihna nei sang, tawnhriat nei ṭha leh hruaitu ṭha ni bawk kan nei thei hi ka lawm," tiin a sawi ve bawk.