Surgical strike dang a la ngai dawn - Gen Bipin Rawat

Chief of Army Staff General Bipin Rawat-a chuan India chuan Pakistan sorkarin a sipaite leh intelligence service-te a thunun ṭhat theih loh chuan India chuan firfiakte beihnan surgical strike a neih leh a la ngai dawn a ni, a ti.

General Rawat chuan India Today TV-in a kawmnaah, Pakistan sorkarin a sipaite leh ISI (Inter-Services Intelligence) te a thunun loh chuan ramri dinhmun chuan hma a sawn thei dawn lo tih a sawi. Kar kalta Zirtawpni khan firfiakte chuan Jammu and Kashmir-a Shopian district-a Special Police Officer pahnih leh constable pakhat ruboin an that a, hemi hma hian Pakistan sipaite chuan Border Security Force sipai pakhat an lo that tawh bawk. Shopian-a SPO te thah an nih vang hian India chuan India leh Pakistan foreign minister-te meeting neih tur pawh a ṭhulh phah a ni.

Kum 2016 September 29 khan Indian Army team chuan Line of Control pelin, Pakistan rama firfiakte inkhuarna hmun chu an lo bei tawh a ni.