Point thum hlu bik chu Chawnpui Vs BVT

Mc Dowell's No. 1 Soda Mizoram Premeir League Season 7-ah Chawnpui FC leh Bethlehem Vengthlang FC te table hnuai lamah an awm a, an khelh ṭhat phu tawk point an hmu lo a tih theih rualin an squad chhah tawk loh avangin point an hloh leh ṭhin niin a sawi theih bawk.

Team pahnih hi vawiin tlai dar 3:00 hian an inkhel dawn a, an inchuh tur hi point thum tho ni mah se team dinhmun thlirin vawiin tlai inkhel tur hi point thum hlu bik a ni.

BVT tan hun ṭha

Bethlehem Vengthlang FC-in match thum an khelh tawh aṭangin point an la hlawh chhuak lo a; Mizoram Police (1-0), Chhinga Veng (2-1) leh Chanmari FC (2-1) an hneh loh ṭumin an vanduai tiin a sawi theih vek.

Amaherawhchu a tawpah chuan an khelh dan ni loin point aṭanga teh tur a nih avangin BVT tan point neih a ṭul tawh. Vawiin tlaia Bethlehem Vengthlang khingpui tur Chawnpui hi team nem zinga mi a ni a, chutihrualin Eletric Veng leh Ramhlun North chetsual tawhna tih hriat a ṭha.

Chawnpui tan pawh

BVT thlir dan hi Chawnpui thlir dan tho tur a ni a, point thum hmuh tum thoa khel chhuak tur an nih avangin inkhel a hmuhnawm dawn.

Chawnpui hian ball pet thiam Vanlalthanga bakah MPL-a tawnhriat nei tawh an kawl nual a, eng team pawh hneh thei turin an ṭha tawk.

1 Chhinga Veng FC 3 3 0 0 5 2 3 9
2 Chanmari FC 3 2 1 0 6 3 3 7
3 Electric Veng FC 3 2 1 0 3 1 2 7
4 Aizawl FC 3 1 1 1 6 5 1 4
5 Mizoram Police 3 1 0 2 2 4 -2 3
6 Chawnpui FC 3 0 2 1 1 2 -1 2
7 Ramhlun North 3 0 1 2 2 5 -3 1
8 Bethlehem VT 3 0 0 3 2 5 -3 0