Tiger Woods hun a inher chhuak

Kum nga chhung zet nomawi chawi loa hun a hman hnuah Tiger Woods hun a inher chhuak ve leh ta. American golfer hian season khar nana an hman ṭhin Tour Championship-ah hnehna changin, PGA Tour title 80 zet a la tling ta.

Kum 42 mi Woods-a'n nomawi a chawi hnuhnung ber chu 2013 August thla daih tawh kha a ni a, hemi hnuah hian hliam vangin hun rei tak chhung a inkhel thei lo. Hliam a neih bakah mimal nun buaina a nei zui a, atan hlawhtlinna a chang leh hi chanchin ṭha a ni.

World number 1 hlui ṭhin hi kum khat liam ta vel kha chuan world number 1,199-na a ni a, tunah chuan 21-na a ni leh tawh. Major title chauh pawh 14 zet chawi tawh Woods chuan, "Hun harsa ka tawn lai khan ka beidawng ngai lo, chutihrualin hlawhtlinna ka chan leh hi chu beisei phak bak piahlam a ni," a ti.