Mizo fighter an che ṭha

All India Mixed Martial Arts Association (AIMMAA) buatsaih National Mixed Martial Arts Championship 2018 chu neih zawh a ni leh ta a, Mizo fighter feh chhuak ten medal pakua an rawn hawn thei.

New Delhi-a neih zawh tak inelnaah hian MISMA (Mizoram State MMA Association) tirhin fighter 16 leh hruaitu pali an feh chhuak a, gold medal panga, silver pathum leh bronze pakhat an rawn hlawh chhuak thei a ni.

September 21-24 chhunga neih inelna hi November-a UFC leh M1Global hriatpuina hnuaia neih tur World Championship 2018, Bahrain atana India aiawh tur thlanna a ni nghal a, Pathianmalsawmdawngliana (56.7kg) leh Lalvenhimi (52.2kg) te chu India aiawha fight hmachhawn tura thlan niin Samuel Lalrozama chu referee & judge a ni bawk ang.

National championship hi India rama fighter-te ranking siamremna ni nghalin hmeichhia-ah Lalvenhimi chu straw weight-ah pakhatna a ni a, PMS Dawngliana chu flyweight-ah pakhatna niin he weight vekah hian Lalropuia chu pahnihna a ni ve bawk.

Medal lak dan
Amateur MMA
Hming Veng/Club Medal
Lalvenhimi Bethlehem VT/DCS Gold
PMS Dawngliana Kawrtethawveng/Elon Gold
K. Vanhnuaithanga East Lungdar/DCS Gold
Lalropuia Mission Veng/HBK Silver
C. Lalrinpuia Dawrpui/DCS Bronze
Brazilian Jiu-Jitsu
Hming Veng/Club Medal
K. Vanhnuaithanga East Lungdar/DCS Silver
Under 18
Lalmuanawma Dawrpui/DCS Gold
Rovulluaia Dawrpui VT/DCS/Mt. Carmel Gold
Ian Lalremruata Dawrpui/DCS Silver
Coaching Staff
Hming Veng/Nihna
Samuel Lalrozama Dawrpui/Coach
Zorelliana East Lungdar/Assistant Coach
Abisac Lalhruaitluangi Dawrpui/Manager
Lalṭhakima Mission Veng/President