Mizoram tan chakna hun ṭha?

India rama one day cricket inelna sang ber Vijay Hazare Trophy khela thangchhuak mek Mizoram cricket team chuan vawiin dar 9:00 hian an match thumna an khel ve leh dawn ta a, chak theihna tura ngaih Sikkim an hmachhawn ang.

Mizoram hian an match hmasa pahnihah Arunachal Pradesh leh Meghalaya an hmachhawn a, an tlawm ve ve. Match thumnaah Puducherry hmachhawn tura tih ni mah se ruahsur vangin an inkhel thei lo a, team pahnihin point an insem - Mizoram cricket-in national level-a point an hlawhchhuah hmasak ber a ni.

Vawiina an hmachhawn tur Sikkim an ropui bik lo. Match thum an khelh tawhah tlawm vekin Plate Group-ah a mawngphah an ni a, point hnih hmu tawh Mizoram an phak lo - Mizoram hian Sikkim an hneh lo a nih chuan hmabak harsa sa a harsa lehzual sawt ang.

# Team Pld W L T NR Pts NRR
1 Bihar 3 2 0 0 1 10 1.008
2 Arunachal Pradesh 4 2 1 0 1 10 –1.336
3 Meghalaya 3 1 1 0 0 8 2.67
4 Nagaland 4 2 2 0 0 8 0.405
5 Uttarakhand 3 2 1 0 0 8 0.169
6 Puducherry 4 1 1 0 2 8 0.486
7 Manipur 3 1 1 0 1 6 0.241
8 Mizoram 3 0 2 0 1 2 –1.382
9 Sikkim 3 0 3 0 0 0 –2.282