Ka risk fuh vang a ni - Marquez

MotoGP world cham­­pion nai lai Marc Marquez-a'n intlansiak hnuhnung ber Aragon Grand Prix-ah hnehna a chang a, pakhat­na a nih theih chhan chu in­tlansiak tir aṭangin thutluk­na a siam dik vang niin a sawi.

Kum 25 mi Marquez hi a tirah tlan fal vak lo mah se a tawp lamah erawh a chungnung hle, a seilenna hmuna hneh chang tur hian lap hnu­hnung pathum chu a thunun hneh hle a ni.

Honda rider Marquez chuan, "Tyre hman tur chung­changah risk kan la a, chawhnu lamah chuan tlan kawng a roin a lum tih ka hria a ni. Intlansiak tur aṭang khan thutlukna siam harsa tak tak ka hmachhawn bawk," tiin a sawi.

Pole position aṭanga tlan chhuak Jorge Lorenzo chu intlansiak tir lamah a chesual nghal a, pakhatna dinhmun luahtu Marquez hnungah hian Ducari rider Andrea Dovizioso leh An­drea Iannone te thlengin, Va­len­­tino Rossi chu pariatna a ni.

MotoGP intlansiaka vawi 41 chak tawh Mar­quez hian tun season cham­pionship table-ah point 246 hmuin hma a hruai chhunzawm a, amah hnaih bertu Dovizioso chuan point 174 chauh a la hmu. Season tawp hmain inelna vawi nga an la hmachhawn dawn a ni.

Rider Championship Standings
# Rider Ram Team Points
1 Marc Marquez Spa Honda 246
2 Andrea Dovizioso Ita Ducati 174
3 Valentino Rossi Ita Yamaha 159
4 Jorge Lorenzo Spa Ducati 130
5 Maverick Vinales Spa Yamaha 130
6 Cal Crutchlow Gbr LCR Honda 119
7 Danilo Petrucci Ita Ducati Pramac 119
8 Johann Zarco Fra Yamaha Tech3 112
9 Andrea Iannone Ita Suzuki 108
10 Alex Rins Spa Suzuki 92