Joshua hmachhawp Deontay Wilder

IBF, WBO leh WBA world heavyweight title a kawl lai humhim tura Alexander Povetkin a tukdawl hnu lawkah Anthony Joshua hmaa ding tur an inrinsiak a, Matchroom Sport chairman Barry Hearn chuan Deontay Wilder chu a hnai ber a nih thu a sawi.

Joshua promoter Eddie Hearn-a pa Barry chuan, "Wilder hi April 13-a inhmachhawn turin contract kan thawn fel tawh a, Tyson Fury nen an inhmachhawn hunah hnehna a chang a nih chuan kan inrem thei ang. Fury a hneh lo a nih erawh chuan boxer dang kan zawn a ngai dawn a ni," a ti.

British boxer rothap Joshua hian Povetkin a hmachhawn zawh khan Wilder chu a duhthlan hmasak ber a nih thu a lo sawi tawh a, hetihlai hian Tyson Fury chuan Joshua hi a lo cho ve reng bawk.

Mahse, Barry Hearn chuan, "April 13-ah chuan Fury hi Joshua hmachhawn theiin a awm ka ring lo. A ding thei ta a nih leh a lawmawm khawp ang" a ti a, Fury hian Wilder a hneh theih a ring lo.