Mbappe hremna kaltlangpui dawn

Kylian Mbappe chuan hrem a nihna a hman tlang a ngai dawn. Paris Saint-Germain forward hi match thum chhung atan hrem a ni a, match hnih khel lo tawhin match khat dang a la nghah a ngai dawn tihna a ni.

September 1 zan khan PSG chuan 4-2 in Nimes an hneh a, he inkhelah hian kum 19 mi Mbappe hian Teji Savanier chet dana a lungawi lohna chu nasa takin a lantir a, hei vang hian hnawhchhuah a ni. Buaina chawk chhuaktu Savanier hi hnawhchhuah a ni ve tho a, match li atan hrem a ni thung.

Player pahnih hian hrem an nihna chu ti tawi turin ngenna an siam a, mahse an thubuai ngaihtuahtu French Football Federation (FFF) chuan an thu ngai a kaltlang pui dawn.

World Cup khelh zawh taka rawlthar ṭha bera an thlan Mbappe hian Saint Etienne leh Rennes te a hmachhawn thei lo tawh a, zanina Reims nen an inkhelh turah pawh a inlan lo ang - Inrinni zana Nice an tlawh hunah erawh a inlan ang.

Ligue 1 lamah hrem mek ni mah se Mbappe hi European football-ah hrem a ni lo, hei vang hian Liverpool nen Champions League group match an khelh ṭumah inlanin goal a khung.

Zanin Ligue 1 Fixtures
Amiens SC 10:30 PM Rennes
Bordeaux 10:30 PM Lille
Caen 10:30 PM Montpellier
Dijon 10:30 PM Olympique Lyonnais
Marseille 10:30 PM Strasbourg
Nimes 10:30 PM Guingamp
PSG 12:30 AM Reims