Mizoramin hnehna an chang

Mizoram cricket team India ram huap first class cricket-ah a vawi khat nan hnehna an chang. Nimin khan Mizorma hian Vijay Hazare Trophy 2018-ah Sikkim chu run 42 in an hneh.

Anand, Gujarat-a inkhelah Sikkim chu ṭhumvawra vannei zawkin vawm hmasak an thlang. Mizoram hian over 50 an hmachhawn chhungin run 256 an siam a, mi paruk an hloh. Mizoram tan Taruwar Kohli chuan run 113 a vaw chhuak a, state pawn player dang Akhil Rajput (33) leh Sinan Khader (36) ten an thlawp ṭha bawk. Mizo zingah Saidingliana Sailo (18) leh C. Lalrinsanga (12) te chu run siam hnem an ni.

Sikkim vuak hun a thleng a, spinner Sinan Khader chu Mizoram chhandamtu niin, ani hian run 35 pein wicket li a la a, century siamtu Kohli tluk zetin a che ṭha. Sikkim tan Palzor Tamang (47) leh Lee Yong Lepcha (42) te che ṭha mah se run 210 bak an tlin lo a, Mizoram hi run 42 in an chak.

Mizoram hian Sikkim an hneh avangin Plate Group table mawngphah chu an ni bik dawn lo. September 28 hian Mizoram hian anmahni ang bawka point ruk hmu Manipur an hmachhawn ang.