India U16 inlan dawn

AFC Under 16 Cham­pionship 2018 khelh mekah India U16 chu zan­in dar 6:15 hian an inlan leh dawn a, Indonesia U16 nen an intawng ang.

India tan group stage paltlang turin draw result a tawk a, an inhnehtawk a nih chuan Indonesia nen hian quarterfinal an lut ve ve dawn a ni - an chak zo lo a nih pawhin goal difference a zirin quarterfinal an lut thei tho dawn a ni.

Blue Tigers rawlthar rual hian an match hmasa berah Vietnam hnehin Iran an inhnehtawkpui leh a, anmahni ang thoin Indo­nesia hian point li an nei.

Vietnam leh Iran hian point khat ve ve neiin a khawi zawk pawh hian hnehna chang se point li chiah an nei dawn a, India leh Indonesia an in draw chuan an phak thei dawn chuang lo.

# Team Pld W D L GF GA GD Pts
1 Indonesia 2 1 1 0 3 1 2 4
2 India 2 1 1 0 1 0 1 4
3 Vietnam 2 0 1 1 1 2 -1 1
4 Iran 2 0 1 1 0 2 -2 1