India TT coach Costantini chawl dawn

Table Tennis Federation of India chuan an coach rawih lai Massimo Costantini chu 2020 Olympic thleng rawih nawn an duh a, mahse Italian coach hian contract a ziah thar duh loh avangin September 30 hian a hna a bansan ang.

Italian coach hian 2016 September thla aṭang khan India coach nihna a chelh ṭan a, ku hnih chhung lekin hmasawnna tam tak a thlen. Commonwealth Games-ah khan Manika Batra chian hmeichhe singles huangah gold a la a, Asian Games-ah khan India mipa team chuan a vawi khat nan medal an vaw chhuak bawk.

India TT-in hma a sawn a, coach hna thawh ṭhat a ni tih a hriat. Mahse, Costantini hian a contract a pawhsei duh loh chhan chu mimal thil vang a nih thu a sawi chhuak.

TTFI secretary MP Singh chuan, "An ramah mimal hna thawh a duh a, heng bakah hian International Table Tennis Federation (ITTF) chuan hna ṭha zawk thawh tur a chhawp chhuah sak," tiin an coach a chhuah chhan nia a hriat a sawi.