Player langsar an liam zel

Wuhan Open khelh mekah player langsar ten beisei an phak lo hle. Nimin khan Caroline Wozniacki leh Garbine Muguruza te an tla ve leh a, seeded chang phak player zingah Ashleigh Barty chiah a dam tawh.

Nilaini zan Barty hian Angelique Kerber chu 7-5, 6-1 in a hneh a, vawi hnih champion tawh Petra Kvitova chu Anastasia Pavlyuchenkova lakah chak loin, world number 1 Simona Halep pawh Dominika Cibulkova hneh loin a tla tawh bawk a ni.

Beisei loh result kan hmuh chhunzawm zel, nimin khan Monica Puig chuan seeded pahnihna Wozniacki chu 7-6 (12-10), 7-5 in a hneh. Inkhel dangah Katerina Siniakova chu set hmasa berah 5-1 ngawtin hnufual mah se Muguruza chu 7-6 (7-3), 7-6 (7-1) in a hneh let thei!