Champions League-ah VAR hmang dawn

Video assistant referee (VAR) chu Champions League-ah hman a ni dawn, VAR hi tuna hman ṭan nghal tur ni loin 2019-20 season aṭanga hman tur a nih thu UEFA chuan an sawi.

Russia rama khelh zawh tak World Cup-ah khan VAR hi hman a lo ni tawh a, 2019 Super Cup leh Euro 2020-ah te pawh hman a nih dawn bakah, 2020-21 season aṭangin Europa League-ah hman a ni dawn a, 2021 Nations League-ah pawh a ni ang.

Khawvel league lian zingah Australia A-League chu VAR hmang hmasa ber an ni a, anni hian 2017 aṭang khan an hmang tawh. English club pawhin kumin League Cup (Carabao Cup)-ah hian Premier League club-te khelmuala match khelh a nih chuan an hmang vek a ni bawk.