Inter School Chess

Nimin aṭang khan Mizoram Inter-School Chess Championship 2018 chu Electric Veng YMA Hall-ah neih ṭan a ni. Intihsiakna hi ni hnih awh tura buatsaih a ni a, school hrang hrang aṭangin naupang an tel ṭha hle.

Primary huangah mi 35 an tel a, middle school (117), high school (41) leh higher secondary school (38) te an inlan dawn a ni. Mimala ti ṭha leh school ti ṭha lawmman siam a ni a, hei bakah hian tel tam ber school, player naupang ber leh best girl lawmman siam a ni bawk ang.