India-in Italy mikhual dawn

Ram leh ram mipa tennis team hmanga inelna lian Davis Cup khelh dan tur chu Nilaini zan khan London-ah pawh a ni a, India chuan qualifier khel turin nakkum February 1-2 hian Italy a mikhual dawn. Italy hian Davis Cup hnuhnung berah quarterfinal an lut a, India erawh tun thla tir mai khan playoff-ah Serbia an ngam lo thung.

Qualifying hi knock out hmanga khelh tur a ni dawn a, a paltlang team 18 chuan round sang zawk an lut ang. Anni bakah hian kumina semifinal thleng phak pali chu tling sa an ni, Argentina leh Britain te chu wildcard pek an ni bawk.

India captain Mahesh Bhupathi chuan, "Mahni rama kan khel tur hi a lawmawm, Italy hi engtiang taka ṭha nge an nih sawi a la hun lo a, chiang taka sawi theih erawh anni hneh tur chuan thapui kan thawh a ngai ang," tiin a sawi.