Champ lai Wang Qiang a la dam

Wuhan Open khelh mekah player langsar an tlak zel laiin Chinese tennis star Wang Qiang erawh a la dam zel. Ningani zan khan Qiang hian Monica Puig 6-3, 6-1 in a hneh a, vawi hnih a champion zawn tawhna hmunah semifinal a lut.

Qiang hian a match lekpekah chuan Anett Kontaveit a hmachhawn leh ang. Kontaveit hian semifinal lut turin Katerina Siniakova a lo hneh ve bawk a ni. Quarterfinal inkhel dangah seeded pariatna Ashleigh Barty chuan Dominika Cibulkova hneh mah se, nimin tlai khan Sabalenka lakah a tlawm zui.

China rama tennis inelna ngaihhlut pakhatah hian world number 1 Simona Halep bakah, player langsar dang Angelique Kerber, Garbine Muguruza, Petra Kvitova leh Caroline Wozniacki te chu a thiam pariat zingah an inhlangkai phak lo.