Higher Seconday Basketball thiam ber St. Joseph Higher Secondary School

Mizo Zirlai Pawl buatsaih MZP Inter HSS Basketball Tournament 2018 chu nimin khan Hawla Indoor Stadium, Republic Vengthlangah khelh zawh a ni a, team 23 inlan zingah St. Joseph Higher Secondary School an thiam ber.

Nomawi inchuhna inkhelah St. Joseph Higher Secondary School hian Providence Higher Secondary School chu 64-59 in an hneh a, champion team hian Rs 20,000 an dawng a, pahnihnain Rs 10,000 an dawng thung.

Inelna neih chhung zawngin final thlengtu team pahnih hi an khel ṭha thei hle, semifinal-ah pawh team ṭha an hneh. Providence HSS hian St. Pauls HSS lakah 54-41 a hnehna changin, St. Joseph HSS pawhin Oikos HSS chu 71-64 in an hneh tawh bawk a ni.