AFC U16 Championship A thiam pariat zingah India

Asia khawmualpuia kum 16 hnuai lam inelna AFC Under 16 Championship-ah India-in quarterfinal an lut a, Ningani zan khan Indonesia U16 nen goal awm loin an inhnehtawk.

India U16 hian an match hmasa berah Vietnam chu 1-0 in an hneh a, goal khung loa Iran an inhnehtawkpui hnuah Indonesia nen inhnehtawk lehin team pahnih hian quarterfinal an lut ta a ni.

Kum 16 hnua a vawi khat nana AFC U16 quarterfinal lut India hian semifinal lut turin South Korea an hmachhawn leh dawn a, October 1 khian an in tawng ang.

Blue Tigers rawlthar rual hian hnehna an chang leh thei a nih chuan 2019 FIFA U-17 World Cup khel turin an tling nghal dawn a ni.

India U16-ah hian Mizo rawlthar pali Serchhip midfielder Eric Remruatpuia Chhangte, Lunglei goalkeeper Lalbiakhlua Jongte, Lengpui midfielder Lalrokima leh Armed Veng rawlthar Lalchhanhima Sailo te an tel a ni.

Team Dinhmun
# Team Pld W D L GF GA GD Pts
1 Indonesia 3 1 2 0 3 1 2 5
2 India 3 1 2 0 1 0 1 5
3 Iran 3 1 1 1 5 2 3 4
4 Vietnam 3 0 1 2 1 7 -6 1