Manipur-in Mizoram sawp

Vijay Hazare Trophy khela feh chhuak Mizoramin nimin khan Manipur an hmachhawn a, Sikkim hneh hlim team hi an phur vanglai takin Manipur lakah run 210 ngawtin an tlawm.

Nimin inkhelah Manipur an bat hmasa zawk a, opener LA Rawat chu run siam loin Lalhruaimawia Ralte chuan vawm out nghal mah se Manipur an talbuai rei lo. P. Prafullomani (47 runs), B Chingangbam (75) leh Yashpal Singh (102) te an rawn che ṭha a, over 50-ah run 279 siamin wicket li chiah an hloh.

Mizoram bat hun a thleng a, a tir aṭangin an talbuai nghal. Mizo zinga tawnhriat ngah bera chhal ngam leh captain ni bawk K. Vanlalruata chu ball a hmachhawn vawi khatnaah run siam loin a out nghal.

Ṭum danga Mizoram chhanhim ṭhintu Taruwar Kohli pawh run siam loin a out ve leh a, Mizoram hmabak a eng lo tih a chiang tawh - over 29.3-ah an out vek a, run 69 chiah tlinin an mualpho chiang hle.

Mizoram hian October 2-ah match an nei leh dawn a, Uttarakhand nen an inhmachhawn dawn a ni.

# Team Pld W L T NR Pts NRR
1 Bihar 4 3 0 0 1 14 1.348
2 Uttarakhand 4 3 1 0 0 12 0.706
3 Arunachal Pradesh 4 2 1 0 1 10 –1.336
4 Meghalaya 4 2 2 0 0 8 1.282
5 Nagaland 4 2 2 0 0 8 0.405
6 Puducherry 4 1 1 0 2 8 0.486
7 Manipur 4 1 2 0 1 6 –0.495
8 Mizoram 4 1 2 0 1 6 –0.569
9 Sikkim 4 0 4 0 0 0 –1.892