Saina-i'n quarterfinal a lut

India nula chuanvawr Saina Nehwal chuan Korea Open khelh mekah quarterfinal a inhlangkai, Ningania last 16 inkhelah Saina hian khawtual nula Kim Ga Eun chu 21-18, 21-18 in a hneh.

World number 1 hlui hian hnehna chang turin minute 37 bak a mamawh lo a, a match lehpekah No­zomi Okuhara nen an inhmachhawn leh ang. Japan nula nen hian vawi kua an intawn tawhah ṭum ruk hnehna a chang.

Kum 28 mi Saina hian amah ang thoa badminton player P Kashyap chu December thla hian pa­sal­ah a nei dawn, heti chung hian inelna hma­chhawn nuam a la ti rih hle.

National badminton coach Vimal Kumar chuan, "Saina te chung­chang hi ka hriatna a rei tawh a, ka lawmna pa­khat chu infiamna nen an chawhpawlh buai lo ṭhin hi a ni. Sport hi an dah pawi­mawh em em a, a bik takin ram tana an khel a nih phei chuan an inpekna a sang zual thei hle," tiin a sawi.