A chung berah Novak Djokovic

Novak Djokovic chu a mipa tennis world number 1 a la ni zel. Serbian star hian a chung ber dinhmun hi chawlhkar 358 chhung zet a luah tawh a, number 1 ni rei ber a nihna record chu a belhchhah zel.

Australian Open-ah Djokovic a inlan thei lo a, ranking lam amah hnaih bertu Daniil Medvedev chuan final a lut thung. Ranking sang pahnih hi February thla chhunga an khelh dan a zirin an dinhmun a inthlak thei dawn.

Season hmasa chawhnu lam a inkhelh loh avangin Rafael Nadal ranking a la sang tak tak thei lo. Grand Slam vawi 21 champion tawh hi pangana a ni, chutih rualin a sang pathumna Alexander Zverev nena an inkarah point 910 pawh a awm tling lo.

Clay court season an hmang chho leh dawn a, world number 5 Nadal tan hun ṭha a inher chhuak leh tura ngaih a ni. Hliam nei loa a khel tluang a nih chuan May thla a French Open an khelh meuh chuan a sang zual pathum zingah a tel leh hman a rinawm.