Huaisen takin Warriors an chak

Point 17 zeta an hniam fal hnuah Golden State Warriors an tho chhuak a, a tawpah San Antonio Spurs chu 124-120 in an lehthal a, tun hnaiah a zawnin match sarih zet chu hnehna an chang ta.

Golden State tan hian hliam vangin Stephen Curry (ke zungṭang), Klay Thompson (ke artui) leh Andrew Wiggins (khup) te chu an inlan thei lo vek a, talbuai deuh tura ngaih ni mah se point 31 nei thei Jordan Poole an nei a, result ṭha an nei thei tho.

Nimin zing inkhel dangah Phoenix Suns chuan champion tum ngam zinga mi Brooklyn Nets chu 121-111 in an hneh ve bawk. James Harden (22 points) leh Kyrie Irving (26) te awmna Nets aiin team thhona nei ṭha Suns an chungnung.

NBA regular season kal laiah Suns hian vawi 41 hnehna chang tawhin chak hnem ber an ni - Western Conference hmahruaitu an ni chhunzawm zel. Nets erawhin beisei an la phak lo, vawi 29 chak ve tawhin Eastern Conference lamah parukna an ni mek.

NBA - Nimin Results
New Orleans Pelicans 111 - 101 Detroit Pistons
Denver Nuggets 115 - 120 Minnesota Timberwolves
Miami Heat 106 - 110 Toronto Raptors
Golden State Warriors 124 - 120 San Antonio Spurs
Washington Wizards 98 - 112 Milwaukee Bucks
Brooklyn Nets 111 - 121 Phoenix Suns
Orlando Magic 115 - 126 Chicago Bulls