Dani Alves an telh ve lo

Barcelona chuan Europa League khel tur squad an siamrem a, hming ziah luh thar zingah Dani Alves a tel ve lo. Hun tepter taka an lak luh Pierre-Emerick Aubameyang erawh telh a ni thung.

Season tirah chuan Barca hian Champions League an khel, mahse last 16 an luh phak loh avangin inelna hniam zawk an khelh chhunzawm a ngai. UEFA danah chuan squad neih sa aṭangin player thar pathum ziah luh theih a ni.

Catalan club hian January bazarah Alves bakah hian Ferran Torres, Adama Traore leh Aubameyang te an la thar a, an pali tan hmun a awm lo. Kum 38 mi Alves dah a nih loh laiin hliamin a tih buai Ansu Fati chu an dah chhunzawm thung.

Xavi naute hian round of 32-ah Napoli an hmachhawn dawn. La Liga lama beisei phak lo Barca tan Italian club hi awlsam taka paltlang ngawt theih an ni dawn lo, thapui an thawh a ngai dawn.