Final-ah South Korea

Women's Asian Cup semifinal hmasa zawk chu nimin khan khelh a ni a, team ṭha South Korea chuan Philippines 2-0 a hnehin final an lut.

Nimin chhuna Shiv-chatrapati Sports Complex, Pune-a inkhelah Korea tan Cho So-hyun chuan minute lina lekah goal a khung, chawlhlawk hmain Son Hwa-yeon hmanga an goal hnihna khung lehin an dinhmun an siamṭha.

Ball possession pawh Korea lam hian 75% ngawt an nei thei a, inkhel an thunun hneh em avangin Philippines lamin goal hlauhawm an nei thei lo. Korea lamin goal khung belh lo mah se an chak nuamsa.

Nizan khan semifinal hnuhnung zawk khelh niin; China leh Japan ten final luh an inchuh ve leh a, result erawh kan hre hman lo. February 6, Pathianni hian DY Patil Sports Stadium, Mumbai-ah a hmawr bawk tur a ni ang.