AFC U16 Quarterfinal-ah India

Asia khawmualpuia rawlthar, kum 16 hnuai lam inelna 2018 AFC Under 16 Championship quarterfinal chu nizan khan khelh ṭan a ni tawh a, India chu zanin hian an inlan ve dawn ta.

India U16 hian group stage-ah Vietnam an hneh hnuin Iran leh Indonesia chu goal khung loin an inhnehtawkpui a, quarterfinal an lut - zanin dar 6:15-ah South Korea nen an inkhel dawn a ni.

Blue Tigers rawlthar rual tan he inkhel hi a pawimawh a, hnehna an chang a nih chuan 2019 FIFA Under 17 World Cup khel turin an tling dawn a ni. Inkhel hi Star Sports 2-ah live-in a en theih ang.

India U16-ah hian Mizo rawlthar pali Serchhip midfielder Eric Remruatpuia Chhangte, Lunglei goalkeeper Lalbiakhlua Jongte, Lengpui midfielder Lalrokima leh Armed Veng rawlthar Lalchhanhima Sailo te an tel a ni.