Mizo powerlifter an hlawhtling

Sub-Junior, Junior, Senior leh Masters inel­na Unequipped Clas­sic Po­wer­lifting Cham­pion­ship chu kar hmasa khan Lucknow, Uttar Pradesh-ah neih zawh a ni a, Mizo power­lifter ten gold medal panga bakah silver leh bronze medal pakhat ve ve an dawng.

Inelna hi December thla a Philippines-a neih tur Asian Championship atan qualifying a ni nghal a, gold medal la te hi India aiawh turin an tling nghal. P. Lalchamliana hi thla leh a World Championship, Mongolia-a nghah turah India aiawh in a inlan dawn bawk a, national camp a zawm leh nghal.

Mizoram team hi manager Theophil Lal­lawm­zuala, (national re­fe­ree) leh coach Ngur­­thanzauva Sailo (Thing­sulthliah) ten an hruai a ni.

Mizoram tana medal late
1 Joseph Lalnunmawia Ramthar Veng 83kg Gold
2 Abraham Lalṭhakima Tlangnuam 93kg Gold
3 Jonathan Lalbiakhlua Kulikawn 105kg Gold
4 Lalhmangaihsanga Saron Veng 105kg(Junior) Gold
5 P. Lalchamliana Lunglei Venglai 120kg Gold
6 Ramfanmawia Kulikawn 66kg Silver
7 Lalmuanpuia Tochhawng Ramthar Veng 120kg Bronze