Lakers tan James a lo kir

LeBron James chuan tun hnaia che fuh hleithei lo Los Angeles Lakers chu hnehna a chan pui leh ta. Hliam dam hlim James-a'n point 29 neiin Lakers hi New York Knicks lakah 122-115 in hnehna a chan pui.

A tir lamah Lakers hi an che fuh lo, point 21 zeta hniam fal lai pawh an nei hial. Mahse, zawi muangin an pawtthla hret hret a, hun pangngaiah an nihrual hma chiah, overtime khelh a ngai hial.

James hi a khup hliam vangin tun hnai match nga chhung chu a inkhel thei lo, point a neih hnem bakah hian rebound vawi 13 lain assist ṭum 10 a nei bawk. Basketball inelna sang berah hian vawi 103 zet triple-double a nei tling ta.

Knicks lam tan RJ Barrett chuan point 36 a nei a, basketball a khelh hun chhunga point a neih hnem ber ṭum tawng mah se a team a chak pui zo lo; tun hnai match hnuhnung parukah vawi nga zet an tlawm hial a ni.

NBA - Nimin Results
Miami Heat 104 - 86 Charlotte Hornets
Oklahoma City Thunder 103 - 113 Sacramento Kings
Phoenix Suns 95 - 80 Washington Wizards
New York Knicks 115 - 122 Los Angeles Lakers
Milwaukee Bucks 137 - 108 Portland Trail Blazers

February 5, Inrinni
Houston Rockets 106 - 131 San Antonio Spurs
Oklahoma City Thunder 96 - 93 Portland Trail Blazers
Brooklyn Nets 102 - 125 Utah Jazz
Memphis Grizzlies 135 - 115 Orlando Magic
New Orleans Pelicans 113 - 105 Denver Nuggets
Philadelphia 76ers 98 - 107 Dalls Mavericks