Ranji khel tur squad an puang

Cricket Association of Mizoram (CAM) chuan Ranji Trophy khel tur team a puang a, tuna squad puante hi 2021-2022 season match hmasa pathum atan a ni ang.

India rama cricket thuneitu sang Board of Control for Cricket in India (BCCI) chuan Ranji Trophy chu hripui leng kara khelh turin a ruahman. Mizoram chu plate group-ah awmin; Arunachal Pradesh, Bihar, Manipur, Nagaland leh Sikkim te nen an inel ang.

Inelna hi khawpui hrang hrangah khelh a ni dawn a, Mizoram awmna group hian Kolkata-ah inelna an hmachhawn ang.

Tournament hi hlawm hniha khelh a ni dawn. Group match bik hi chu March 15-ah zawh tur a ni dawn, knockout stage chin erawh Indian Premier League zawh hnuah khelh a ni thung ang.