China hmachhawn tur India Player 31 zingah Mizo pahnih

India chuan October 13 khian China nen friendly match an khel dawn a, Blue Tigers coach Stephen Constantine chuan player 31 ko chhinin Jeje Lalpekhlua leh Lallianzuala Chhangte te an tel.

Player 31-te hi October 8-ah Delhi-a national team training zawm tura hriattir an ni a, ni hnih chhung training an neih hnuah thlanchhuahte chuan China an pan dawn a ni.

India team-a regular taka tun hnaia koh zingah Jerry Lalrinzuala leh Lalruatthara te tan hmun a awm lo a, kumin Intercontinental Cup-a koh Laldanmawia Ralte chu koh nawn a ni lo bawk.

AIFF-in I League a ngaihpawimawh thu sawi ṭhin mah se India rama football inelna sang ber hian en kan a hlawh chhunzawm zel a, he league aṭang hian East Bengal defender Salam Ranjan Singh chu koh awmchhun a ni.

Stephen Constantine-a'n SAFF Championship-a Under 23 team a kaihhruaia che ṭha ho a duhsak tih a hriat a, Lianzuala bakah Vinit Rai, Sumit Passi, Farukh Choudhary leh Manvir Singh te chu senior team-a koh nawn langsar an ni.

India Squad

Goalkeepers: Gurpreet Sandhu, Vishal Kaith, Amrinder Singh, Karanjit Singh

Defenders: Pritam Kotal, Sarthak Golui, Davinder Singh, Sandesh Jhingan, Anas Edathodika, Salam Ranjan Singh, Subhashish Bose, Narayan Das

Midfielders: Pronay Halder, Rowlin Borges, Germanpreet Singh, Anirudh Thapa, Souvik Chakrabarti, Vinit Rai, Udanta Singh, Nikhil Poojari, Halicharan Narzary, Bikash Jairu, Ashique Kuruniyan, Lalrinzuala Chhangte, Dhanapal Ganesh.

Strikers: Balwant Singh, Sunil Chhetri, Jeje Lalpekhlua, Farukh Choudhary, Sumit Passi, Manvir Singh