Champion lai Chennaiyin chak lo

Pathianni zan khan season hmasa champion Chennaiyin FC an inlan a, final-a an ngam hnu Bengaluru FC lakah 1-0 in an tlawm.

Bangalore club goal awmchhun hi minute 41-naa Miku khung a ni a, Venezuela international class sanzia hmuh turin a awm.

Chennai club-in a chhanletna tur zawng mah se an nei thei lo a, tun season-a an match hmasa berah champion lai an tlawm a ni.

Chennaiyin tan Jeje Lalpekhlua-a'n goal an chhuah hmain chance duhawm vawi hnih ngawt a nei a, mahse Hnahthial tlangval hian a hun ṭha neih goal-ah a chantir thei lo.

Bengaluru-in Mizo tlangval Sairuatkima kawl mah se Dawrpui Vengthar tlangval tan squad-ah hmun a la awm rih lo.

Chennaiyin tan erawh Jeje bakah Jerry Lalrinzuala leh Isaac Vanmalsawma ten inkhel bul an ṭan a, Jerry hi Emerging Player of the Match-ah thlan niin Laldinliana Renthlei chuan bench lamah hun a hmang tluan thung.

Zanin dar 7:30-ah inkhel pakhat a awm leh dawn a, Mumbai City chuan Jamshedpur an mikhual dawn a ni.