MPL7 - Electric Shock, Chhinga Veng an tlo leh a dang

Mc Dowell's No. 1 Soda Mizoram Premier League Season 7-ah inkhel naran ve tak te tla zep ve bawk mah se inkhel tam zawk erawh a hmuhnawm a, inkhel ṭha bik leh hmuhnawm bik a awm ta bawk.

Electric Shock

Tualchhung football hrechiang tak pawhin Electric Vengin tun ang hun an thleng thei hi mak an ti ang a, pakhatna dinhmun hauhtute pawh hian season ṭan hmain tun hun hi an beisei pha lo a, amaherawhchu a thleng miau si.

Electric Vengin match ngaah hneh loh an tawng lo a, inelna liana nomawi chawi tawh Aizawl FC, Mizoram Police, Chanmari FC leh Bethlehem Vengthlang te an hneh vek. Point an hlohna erawh anmahni ang bawka MPL club thar Chawnpui FC

an ni.

MPL7-ah 'Electric Shock' a la thleng zel dawn em tih chu hunin a la hril dawn a, amaherawhchu tun dinhmun thlen theihna atana an veng thawhhona ṭha hi a entawn tlak hle. Player-te'n sum chauh um loin club tan an theihna zawng zawng in an khel a, chak duhna rilru tak tak pu

ṭantute chu team fuih phurtu an ni a, chutihrualin nomawi chawi tur chuan an kawng a la thui hle.

Chhingcows an tlo

Chhinga Vengin season liam ta khan a vawi khat nan MPL-ah an champion a, nomawi chawi nana player pawimawh defender Lalrinchhana Tochhawng leh R. Laldinliana, forward pali - Malsawmfela, Laldampuia, Lalkhawpuimawia leh Laldingngheta bakah midfielder

R. Malsawmtluanga ten an chhuahsan.

Amaherawhchu, coach Lalsang-zuala Hmar leh a puitu Lalremruata te inkawpin an player hriatna an hman ṭangkai a, an mamawh tur player an lak hma bakah an chak lohna phu hruk turin Under 18-a an chhawr te an hman ṭangkai a. Player ṭha an chan tih lang loin MFA Super Cup leh I Day Football-ah an champion a, inelna hau tak zawk MPL-ah pawh hneh loh an la tawng lo.

AFC leh CFC

Aizawl FC-in an ṭhat dan ber an la hre fuh thei lo a, team vantlang chunglam anni ngei tih lang mah se team ṭha bik chu an la ni lo. I League club hian foreign player pathum an ziahluh an tum a, chung zingah chuan Alfred Kemah Jaryan chiah an la hmang thei a, amaherawhchu an la famkim lohna hi foreigner hmanga chinfel mai theih erawh a la ni lo.

Chanmari FC-in MPL5 nomawi an chawi hnuah champion zia an hloh a, season liam taa an 'nil' hnuah kum zawna 'nil' nawn thei dinhmunah an ding mek. CFC hi khelmual ang thoin entu lamah an tlahniam a, insiamṭhatna hi ṭhuang hniha an kalpui a ṭul ang.

Police leh Ramhlun North

Mizoram Police-in recruitment lian tham an kalpui zarah tualchhung player zinga an mit it zawng an hlah lo a ni ber a, amaherawhchu an player lak hre chunga an chhawr theih si loh avangin phase 1 chinah hi chuan an squad chhah hi an chhiatpui zawk niin a lang.

Ramhlun North-in an mamawh chin nia an ngaih player langsar an la a, foreigner hmanga squad thuam famkim an tum. Amaherawhchu, Nigerian forward Waheed Adekunle leh Mizo player-ten result ṭha an nei thei lo a, foreigner pahnih dang John Ampong leh Bamba Musah te awm hnuah pawh an chak chuang lo a, an inkhel leh hunah coaching staff thar nen an inlan dawn a, beisei bo an la ni bik lo.

BVT leh Chawnpui

Bethlehem Vengthlang FC squad a chhah lo a, player naupang zawk nen MPL7 an hmachawn a, tawnhriat nei lo player hian minute 90 an daih ṭhin loh avangin a vanduai zawkah an ṭang leh ṭhin. BVT hian attack hun leh goal venhim an thliar thiam a ṭul a, an kum naupanna ringawtin point a ken tel loh avangin khelmualah puitling zawka an khelh chhuah a ṭul ang.

Chawnpui FC-in match ngaah vawi khat chiah an la chak lo a, MPL club thar hi an la tlo viau. Coach Laldinthara chuan, "Semifinal thlir thei kan ni lo a, relegate loh hi kan tum hmasak ber a ni," tiin Vanglaini a hrilh a, an squad neih dan an hriat chianna hian tun thleng chuan an tum ram bakah beisei loh zawk semifinal kawng a la hawn sak tel zel.

ROUND 1
September 6, Ningani
Chhinga Veng 1- 0 Chawnpui
CVFC : Lalromawia 83'
MoM : Lalromawia, CVFC
Mizoram Police 1–0 Bethlehem VT
MPFC : Lalfakzuala 50'
MoM : V. Lalṭanpuia, MPFC
September 7, Zirtawpni
Electric Veng 2–1 Aizawl FC
EFC :Alfred Kemah Jaryan 69' (OG);
Isak Vanlalpeka 71'
AFC : Alfred Kemah Jaryan 80'
Chanmari FC 2- 0 Ramhlun North
CFC : Lalnuntluanga 10'; Lalnunzama 40'
MoM : Lalnunzama, CFC
ROUND 2
September 13, Ningani
Aizawl FC 2–2 Chanmari FC
AFC : F. Lalremsanga 6';
Isaac Vanlalruatfela 39'
CFC : C. Lalrosanga 14'; Lalnunzama 69'
MoM : Isaac Vanlalruatfela, AFC
Bethlehem VT 1–2 Chhinga Veng
BVT : Laldinliana Varte 43'
CVFC : Lalnuntluanga 69';
Jacob Lalrawngbawla 71'
MoM : Lalnuntluanga, CVFC
September 14, Zirtawpni
Electric Veng 1–0 Mizoram Police
EFC : David Lalchhuanawma 85'
MoM : David Lalchhuanawma, EFC
Chawnpui 1–1 Ramhlun North
CFC : Vanlalthanga 63'
RNFC : Lalliansanga 53'
MoM : Vanlalthanga, CFC
ROUND 3
September 20, Ningani
Chawnpui 0–0 Electric Veng
MoM : Lalthlamuana, CFC
Chanmari FC 2–1 Bethlehem VT
CFC : Lalnunzama 28'; Mark Zothanpuia 88'
BVT : PC Vanlalhruaia 59'
MoM : Mark Zothanpuia, CFC
September 21, Zirtawpni
Chhinga Veng 2–1 Ramhlun North
CVFC : Lalromawia 71'; Zosangliana 90+3'
RNFC : Laldingngheta 22'
MoM : Zothanmawia, CVFC
Mizoram Police 1–3 Aizawl FC
MPFC : Lalramtharmawia 59'
AFC : Alfred Kemah Jaryan 9', 52';
Lalrinfela 85'
MoM : Paul Ramfangzauva, AFC
ROUND 4
September 25, Thawhlehni
Bethlehem VT 1- 1 Chawnpui
BVT : C. Lalrintluanga 77'
CFC : Vanlalthanga 45+2'
MoM : Vanlalthanga 45+2'
Electric Veng 3–1 Chanmari FC
EFC : Isak Vanlalpeka 45+1', 72'; David Lalchhuanawma 90+6'
CFC : Lalnunzama 86'
MoM : Isak Vanlalpeka, EFC
September 26, Nilaini
Ramhlun North 1–5 Mizoram Police
RNFC : Waheed Adekunle 86'
MPFC : F. Lalrinpuia 21', 57'; Lalbiakhlua 27'; Lalramtharmawia 72'; Lalfakzuala 84'
MoM : F. Lalrinpuia, MPFC
Aizawl FC 0–0 Chhinga Veng
MoM : Gurpreet Singh, CVFC
ROUND 5
September 27, Ningani
Chawnpui 3–1 Chanmari FC
CFC : Vanlalthanga 19', 90+4'; David Laltlansanga 28'
CFC : Lalnunzama 82'
MoM : Vanlalthanga, CFC
Electric Veng 2–1 Bethlehem VT
EFC : David Lalchhuanawma 48', 77'
BVT : C. Lalrintluanga 55'
MoM : David Lalchhuanawma, EFC
September 28, Zirtawpni
Mizoram Police 0–2 Chhinga Veng
CVFC : MS Dawngliana 84', 90+4'
MoM : MS Dawngliana, CVFC
Ramhlun North 0–2 Aizawl FC
AFC : F Lalremsanga 10'; Rochharzela 41'
MoM : F. Lalremsanga, Aizawl FC
ROUND 6
October 4, Ningani
Chanmari FC 03:00 PM Mizoram Police
Chhinga Veng 07:00 PM Electric Veng
October 5, Zirtawpni
Bethlehem VT 03:00 PM Ramhlun North
Aizawl FC 07:00 PM Chawnpui
ROUND 7 - SERCHHIP
October 12, Zirtawpni
Bethlehem VT Vs Aizawl FC
Mizoram Police Vs Chawnpui
October 13, Inrinni
Ramhlun North Vs Electric Veng
Chanmari FC Vs Chhinga Veng