AFC U16 Championship ; World Cup khel phak lo India
India-in a vawi khat nana World Cup inpetkai an tumna chu a thamral ta. Thawhṭanni zan khan AFC U16 Championship 2018 semifinal-ah South Korea chu 0-1 in an ngam lo a, a thiam pali zingah an tel thei ta lo.
Blue Tigers naupang rual hian hnehna chang ni se chuan FIFA Under-17 World Cup 2019 qualifier khelh ngai loin an tling nghal dawn a, eng level-ah pawh India-in World Cup an inpetkai hmasak ber a ni ang.
Mahse, Indian rawlthar rual tan South Korea an la sang hret a, beiseina a thamral. India hian nikum khan Under 17 World Cup an khel a, mahse hei hi a thlengtu nih vanga khel ve thei chauh an ni.
Inkhel chu
India coach Bibiano Fernandes-a'n South Korea aiin Indian player-te an la 'nau' zawk tih a hria a, attacking football khelh aiin tlarhnung venhim a ngai pawimawh a, South Korea team-in a 'pawp' lai an hmu hleithei lo.
Mahse, India an vannei reng thei lo. Minute 67-naah Jeong Sangbin chuan Indian goalkeeper Niraj Kumar-a shot nam per chu hnai set sawt aṭangin a khung a, India-in a chhanletna tur an nei lo.
South Korea-in goal an khung hma hian Niraj hian vawi tam India a chhanhim a, Indian rawlthar Ridge De’Mello chuan chance duhawm tak a nei bawk - mahse ṭha zeta a volley chu South Korean keeper-in ṭha takin a dang.
Mizo pali
India U16-ah hian Mizo rawlthar pali Serchhip midfielder Eric Remruatpuia Chhangte, Lunglei goalkeeper Lalbiakhlua Jongte, Lengpui midfielder Lalrokima leh Armed Veng rawlthar Lalchhanhima Sailo te an tel.
Quarter final-ah Eric leh Chhantea chu India-in goal an chhuah hnuah luhtir an ni a, goal erawh an keng tel lo. Mizo rawlthar rualte hi AFC U16 khel tura an zinkawng leh inbuatsaihnaah player pawimawh an ni a, tournament takah erawh starting XI an chang lo.
Armed Veng rawlthar Chhantea chuan, "Tournament ṭan hma deuh lawkah khan Biaka leh Eric-te nen kan inhliam a, inelna a hnaih tawh bawk si avangin coach-in a hman thiam sa hman tlang a thlang ta a ni," tiin Vanglaini hnenah Mizo rawlthar ten starting XI an chan loh chhan a sawi.
Hmanah chuan...
India-in tun hmain AFC U16 hi vawi sarih an lo khel tawh a, kum 2002 khan quarterfinal an lut tih loh chu group stage-ah an tla vek! Hetihlai hian Under 17 inelna anga kalpui a ni a, 2008 khan a kum leh U17 World Cup qualifier atan an hman nghal avangin U16-ah tih hniam a ni.
Kum 2002-ah hian India tan Mizo rawlthar pali Jerry Zirsanga, Malsawma, Vanlalrova leh R. Lamuankima te chu squad-ah telh an ni a, hmun pawimawh an chang vek. Jerry leh Malsawma phei chu Team of the Tournament-ah an lang hial a, quarterfinal-a an hneh loh erawh South Korea tho an ni.
Hetihlaia India squad-ah hian tun hnu thlenga player langsar Subrata Paul, Rocus Lamare leh Gouramangi Singh te an tel a, match hmasa berah China chu 4-1 in ngam lo mah se Myanmar chu 4-1 in an sawp zui a, United Arab Emirates an inhnehtawkpui bawk avangin quarterfinal an lut.
Hmasawnna
Kum 2002-ah chuan Mizo ten professional football kan la hmelhriat ve ṭan chauh a, phai lam media te pawhin Mizo an la ngaihven tawk lo. Mizo zingah Muankima chu 'Raltalal Muankima' tia a hming dah a ni a, Malsawma chu 'Malswama' tih a ni bawk!
Tunah erawh Mizo footballer hming ziah sen loh a awm chungin phai media ten Mizo hming an ziak sual ta meuh lo a, kum 2002 thlirkir chuan vawiina Mizote zinkawng hi a thui takzet.
Kum 2002-ah hian Bawngkawn tlangval Malsawma hian group stage match thumah goal a khung kim vek a, Myanmar lakah Muankima'n goal khat a khung a, quarterfinal-ah South Korea laka 3-1 a an tlawmna inkhelah Jerry chuan India goal neih Mizoram an chak lo
Vijay Hazare Trophy-ah Mizoram chuan nimin khan Uttarakhand chu run 152 in an hneh lo.
Ṭhumvawrah Mizoram an vannei a, vawm hmasak an thlang. Uttarakhand-in an chungnunzia an lantir nghal a, opener Karanveer Kaushal chuan run 118 a siam a, Mizoram hian vawm hlum vek mah se run 321 an siam tho.
Mizoram bat hun a thleng a, state pawn player zinga langsar ber Taruwar Kohli chuan run nga lek siam mah se Sinan Khadir chuan thi loin half century (73) a siam bakah Akhil Rajput (23) leh Michael Lalremkima (20) te zarah run 169 an siam a, mualpho an pumpelh.chhun a khung bawk.
India Result
Group Stage
India 1 - 0 Vietnam
India 0 - 0 Iran
India 0 - 0 Indonesia
Quarterfinal
India 0 - 1 South Korea