Taipei lamah Ajay leh Verma

Tun kar chhung hian Chinese Taipei World Tour Super 300 tournament khelh a ni leh dawn a, Indian badminton shuttler langsar ṭhenkhat kal dawn lo mah se Ajay Jayaram leh Sourabh Verma te an inlan dawn.

October thla chhung hian Super 750 world tour event pahnih Denmark Open (Oct 16-21) leh French Open (Oct 23-28) te khelh a ni dawn a, hei vang hian P. V. Sindhu leh Kidambi Srikanth te chuan Taipei a inlan ai chuan inbuatsaihna ṭha zawk neih an duh vangin an chawl rih dawn a ni.

Sindhu leh Srikanth an inlan tak lohah chuan world number 13 hlui Jayaram chu India tan medal la tura beisei san ber a ni dawn a, ani bakah hian national champion ni tawh Sourabh chungah pawh mawh­phurhna a sang bawk ang.