Pro Wrestling neih a ni dawn

Mizoram Wrestling Association chuan October 24 aṭanga neih ṭan turin Pro Wrestling a buatsaih dawn a, Zonet chuan live-a en theih turin a pe chhuak ṭhin ang.

Electric Veng Indoor Stadium-a neih tur inelnaah hian mipa tan bik 55 Kg (Pate), 65 Kg (Pate chung), 75 Kg (Palai hawl), 95 Kg (Palai hawl chung) leh +95 Kg (Palian)-ah te inelna neih tur a ni a, hmeichhia pawh 50 Kg (Nute), 60 Kg (Nu laihawl) leh +60 Kg (Nu lian)-ah te inelna neih tur a ni.

Pro Wrestling a tel turte chu October 24-ah zing dar 10 aṭanga tlai dar 3 thleng Electric Veng Indoor Stadium-ah in buk tur a ni a, zan dar 7 aṭangin inelna hi neih nghal tur niin October 23-ah referee clinic neih a ni ang.