Halep chawl rih dawn

Hliam vanga China Open khel zo thei lo Simona Halep chu 'slipped disc' a nei tih hmuh chhuah a ni a, world number 1 hian tennis a khel thei rih dawn lo - a chawlh chen tur erawh a la chiang thei lo a ni.

French Open champion Halep hi a thiam pariat ten an khelh tur WTA Finals-ah a inlan thei a ngem tih chu zawhna a ni mek a, a rawn kir hun tur hre lo mah se Halep chuan, "Ka rawn kir thuai ang," a ti.

Romanian nula hian season chawhnu lamah beisei angin result nei ṭha tawk lo mah se, kum bul a ṭan ṭhat avangin October 21-28 chhunga khelh tur WTA Finals atana tling thei hmasa ber a ni. Tun kar tir khan China Open-ah a inlan a, Ons Jabeur nen set hmasa ber an khelh zawh hnuah hnungzâng na vangin a khel zui thei lo.