Mumbai khawpuiah Jerry Mawia a mawi

Thawhlehni zan khan Mumbai khawpuiah Mizo tlangval hming a mawi a, a hming chu Jerry Mawihmingthanga a ni.

Jerry khelhna Jamshedpur FC chuan an mikhualna ramah Mumbai City chu 2-0 in an hneh a, Chanmari tlangval hi Hero of the Match leh Emerging Player of the Match-ah thlan a ni.

Jamshedpur goal hnih hi Mario Arques leh Pablo Morgado te khung a ni. Chanmari FC midfielder hlui Jerry-a tan chance duhawm bera chhal ngam chu Amrinder Singh chuan ṭha takin a dan sak.

Jerry-a'n goal khung lo mah se JFC tan innghahna a ni a, tlarhnung leh tlarhma lamah a thawhhlawk hle.

MPL Under 17 best player hmasa ber Jerry hi Jamshedpur FC-a Mizo awm chhun a ni a, Mumbai City hi Indian Super League club zinga Mizo player kawl lo awm chhun an ni thung.

Zanin dar 7:30-ah ISL match khat a awm leh dawn a, an match hmasa bera chak zo lo ATK chuan NorthEast United an mikhual ang.